liria e fjalës

Mund ta shikoni këtu:

Para disa ditësh një lexues i kujdesshëm i blogjeve të mija më kritikonte për nivelin e ulët të humorit që kisha përdorur në një postim.

Natyrisht që askujt nuk i pëlqen që të kritikohet, por kritika e tij, e bërë me mjaft “delikatesë” fillimisht dhe , pothuajse e pakundërshtueshme për mënyrën gjithë edukatë se si autori e kishte ndërtuar më pas, sinqerisht, edhe se pse unë kisha motivet e mija për ta shkruajtur atë post, ajo kritikë më pëlqeu.

Mund edhe të kapesha akoma pas gabimit të përkthimit (gabim që nuk qe i imi), që më shtyu të realizoja atë post, por nuk është nevoja, sepse nga googlealert që kam për albania/shqipëria vjen përditë aq material sa është e pamundur që të shikosh të mirat që mund të jenë bërë ose po bëhen në Shqipëri nën udhëheqjen e lavdishme të Kryetarit.

-Po bëjmë sakrifica për të hyrë në BE dhe Nato… dhe na përjashtojnë edhe nga FIFA (ku Shqipëria ka qënë pjesëmarrëse edhe kur luhej me topa lecke).

- Përpiqemi të tregojmë se kemi një ekonomi në rritje dhe po luftojmë korrupsionin… dhe 80% e ekonomisë luan jashtë rregullave .

- Përpiqemi të tregojmë pjekurinë dhe të drejtat e fituara në demokraci… dhe … Ligjin e bën akoma Maliqi .

Kështu i dashur lexues, ndoshta mund të diskutojmë vërtet për format e shprehjes së mospëlqimit tonë ndaj këtyre që na shikojnë sytë, por me kaq material (dhe këto linkimet që ke më sipër janë vetëm të  ditëve të fundit) është e pamundur që të jesh optimist dhe të tregohesh i mirsjellshëm me njerëz që kanë hedhur rrënjë në politikën shqiptare, ku ndoshta ngaqë as që e kuptojnë, janë pengesë për krijimin e një Shqipërie ashtu siç ndoshta ata vetë dikur e kishin ëndërruar… bashkë me ne.