edrus

Sala, ashtu si Skënderbeu, u rrit me Hoxhën dhe në pleqëri ngeli në dorë të Priftit…

kliko për ta parë të plotë

Pas një fushate elektorale të stërlodhshme, si për protagonistët e saj, por edhe për ne që na takonte që ta ndiqnim, u duk sikur votimet do të merrnin fund me datën 28.

Nëse gjatë gjithë ditës dhe deri në festimet e pasvotimit u ndjemë të lumtur që gjithçka përfundoi pa  probleme që mund të rivinin në pikpyetje stadin civil e demokratik të politikës dhe vetë qytetarëve… akoma pas 30 orësh, që nga çasti i mbylljes së Qëndrave të Votimit, nuk kemi të dhënat përfundimtare.

Nuk arrij që të gjej një arsye plotësisht të justifikueshme për këto vonesa… Këto ditë u bënë zgjedhjet dhe në Afrikën e Jugut dhe Argjentinë, e kam fjalën për dy shtete me një popullsi dhjetra herë më të madhe se ajo Shqiptare, ku , nëse do të besonim që teknologjia e re e kontrollimit të votave do të përshpejtonte përfundimin e dhënies së rezultateve, këto kontrolle (për 7-800mijë votues që kanë qënë në Shqipëri) duhej të kishin përfunduar që brënda 8-orëshit të parë.

Përveç vonesave, në këtë shfletim votash, një gjë tjetër interesante ma “vret” syrin: Përpikëria, pothuajse manjakale, me të cilën rezultatet kanë ruajtur një ekulibër pothuajse të pabesueshëm edhe në çfardolloj modeli statistik… është njëlloj sikur në një kazino të dilte një herë e kuqja dhe njëherë e zeza gjatë gjithë kohës…

Nëse kjo bëhet në mënyrë të manovruar (dyshimi komplet i justifikueshëm), vetëm për t’i treguar botës  standartin tashmë të lartë civil të politikës dhe politikanëve shqiptarë… mua më duket e shpifur.

Nëse “vënia dorë” mbi votën e popullit është bërë në këtë drejtim (në mënyrë që t’ju mbyllin gojën partive të vogla  për t’ju dhënë liri vetëm dy të mëdhajave) atëhere kjo vërtet, për mendimin tim, është një nga sulmet më të fëlliqura që mund të pësonte demokracia shqiptare.

Më poshtë mund të ndiqni intervistën që Brunilda Ternova ka bërë për Albanianews, studiuesit Profesor Alberto G. Areddu.

Profesor Alberto G. Areddu prej vitesh interesohet në disiplinën e “gjuhësisë Sarde” mbi të cilën ka publikuar:  “Studime Etimologjike Logurdeze”, “Shënime dhe Shtesa mbi DES” (1996), “Launeddas dhe studime të tjera greko-italike” (2004). Ka publikuar recensionet e tij në Romance Philology të Berkeley, dhe është recensuar nga  H.J. Wolf në “Zeitschrift für Romanische Philologie” (2002).
Në studimin e tij të fundit “Origjina Shqiptare e Qytetërimit në Sardenjë” 2007, autori me kërkimet e tij arrin deri tek burimet origjinale te gjuhës Sarde, duke dëshmuar dhe duke nxjerr në pah prespektivën paleoilirike si më bindëse bazuar në elementët e shumtë të toponomastikës dhe të lesemave të pashpjeguara deri më sot.

Brunilda Ternova - Para së gjithash  Profesor Areddu ju falenderoj për mundësnë që na ofruat  për t’ju  bërë këtë intervistë, duke i  mundësuar  lexuesit shqiptar (në Shqipëri dhe në diasporë) që të njoh Juve dhe veprën tuaj shkencore.

Alberto G. Areddu - Faleminderit Juve që më mundësuat të flas mbi punën time.

Brunilda Ternova - Meqënëse vepra është e vështirë të konceptohet e shkëputur nga krijuesi i saj, më lejoni t’ju pyes diçka mbi personin tuaj. Kush është  Profesor Alberto Areddu, ku ka lindur dhe ku është rritur? Read the rest of this entry »

Miq vetëm 4 ditë kanë mbetur nga dita e zgjedhjeve. Më 28 Qershor kemi një shans të papërsëritshëm për tu bërë pjesë e ndryshimit të fateve tona të përbashkëta.

Nuk po ju ftojmë thjesht të votoni, po ju kërkojmë të vendosni se si do të qeveriset Shqipëria në katër vitet e ardhshme. Suksesi i pjesëmarrjes së të rinjve është në dorën tënde.

Ka disa gjëra të thjeshta që ti mund të bësh, për ta ndihmuar lëvizjen tonë të përbashkët.

Fushata 5 ditore - elektronike ose “Si të perfshiheni në ndryshimin e vendit nga shtëpia juaj”

Ne FACEBOOK.
1- Shkruaj një ‘note’ me temë/titull ‘Pse unë do të Votoj G99” dhe tag sa më shumë miq. (mos tag njerëz që tashmë janë pjesë e grupit tonë, duhet të synojmë të transmetojmë mesazhin tonë tek sa më shumë njerëz të rinj)
2- Krijo ose vendos një foto/poster që fton njerëzit të votojnë G99 dhe tag miq. (Vlen edhe ketu sygjerimi i pikes 1)
3- Vendos një status mbi votimin për G99 ( shumë nga ju po e bëjnë tashmë, por është e rëndësishme që ta rifreskojmë statusin cdo tre-katër orë)

Me SMS – Zgjidh 20 miq nga lista e telefonit dhe dërgoi një mesazh në celular, ku i fton për të votuar per G99.
Thoni diçka të këndshme tip:”

“Që të mos marrësh më SMS nga Berisha, voto G99, numri 31.”
“ Voto G99 - Voto 31, fatin e ke në dorë TI”
“ Kush s’voton s’ka drejtë t’ankohet, Voto G99 . Pastaj ankohu sa t dush”

Sdq, jam i bindur që ju jeni shumë herë më kreativë se kaq, dhe mund të prodhoni mesazhe më të goditura se këto.

Me EMAIL – nisi një email gjithë miqve të tu, ku i shkruan mbi arsyet pse ti u bashkove me G99 si dhe u kërkon atyre që të bashkohen me lëvizjen për të na ndihmuar në këto ditë që kanë mbetur.

Kjo Lëvizje do të jetë e suksesshme vetëm nëse të gjithë bëhemi aksionerë të saj.

Bashkë do t’ia dalim.

Nuk e di se sa e njohur është për ju Gatorade, një pije freskuese e pasuruar me integratorë mineralë, por jam i bindur që shumë prej jush mund të keni dëgjuar për Fabio Kanavaron (testimonial në reklamën e fundit të Gatorade-s)… dhe aq më tepër, që në këtë reklamë do të ju duket si mjaft e dëgjuar dhe melodia që e shoqëron atë….mua më bën të lëviz nga vëndi

Reklama është shpirti i tregëtisë….

shpesh ajo bëhet e tillëqë të tërheqë vëmëndjen, por në rastin e mëposhtëm duhet të jesh shumë i vëmëndshëm për ta marrë vesh se përse bëhet fjalë…

Letër fëmijës së pangjizur kurrë…

I/e dashur….

Kështu zënë fill zakonisht letrat, kur njerezit u shkruajnë miqve, familjarëve, të afërmve, të njohurve e të panjohurve.

Por unë sot, çuditërisht pas kaq kohësh, kam vendosur të të shkruaj ty, bebes sime qe s’arrite kurrë të bëheshe as embrion, as fetus, as fëmijë…

Mos më pyet pse vendosa të të shkruaja tani, tani që të kam më larg se kurrë, ndoshta malli, ( ka mall njeriu, vallë, për dikë që s’e ka parë, s’e ka prekur, s’e ka përqafuar ndonjëherë?) ndoshta, pas kaq kohësh që jam përpjekur të të heq nga mendja, dorëzohem pa kushte para teje, s’e di….

Po si të të drejtohem unë ty, e shtrenjta kërthija ime e pangjizur, ferishtja ime e paemër… Ti mbete…Ti mbete thjesht një gjurmë hormonesh çmendurake në gjakun tim, një gjurmë hormonesh që brenda një çasti të vetëm më bënë të përjetoj të gjitha fazat marrëzisë…

Unë isha marrëzisht e lumtur, asokohe, kur shkoja përditë në klinikën e një qyteti të huaj dhe ndihmës-mjeket, me të cilat shkëmbim ndonjë fjalë në anglisht, fort të kujdesshme e buzagaz, më merrnin gjak nga damarët e mi të hollë… dhe ti duhet ta dish që unë i kam tmerr gjilpërat, më zë gjaku dhe nuk shikoj dot as kur theret një pulë, mbi të gjitha i urrej spitalet, qoftë dhe kur ngjajnë si hotele me pesë yje…( e ndjej që ti po vë buzën në gaz tani, i pëlqen dhe ti shakatë njësoj si unë)

Por unë isha e lumtur, isha e ngazëllyer, isha në qiell të shtatë… vetëm për ty. Do të jepja gjithçka për ty, fryma ime… Read the rest of this entry »

I krijuar sipas të thënave në vitin 975 Universiteti egjyptian i Al Azhar-it konkuron me atë të Bolonjës titullin e universitetit më antik. Për këtë presidenti amerikan Barak Obama, në fjalimin e tij historik përpara përfaqësuesve të komunitetit islamik, ka folur për «qytetin pa moshë të Kairos».
Të pranishmit, ashtu si miliona myslymanë që e dëgjuan, nga kafenetë e Nobel Mahfouz-it, prej periferive të Parisit e Detroitit, nga Indonezia ku presidenti është rritur, në shpellat e alkaedës, e kanë kuptuar se Amerika po ndërron.
Jo për fjalët e mira ndaj Kuranit, as për fëmijërinë e Obamës nën minaretë e xhamive dhe as për citimin me dashuri të babës myslyman apo të thënies komplet të emrit të tij, Barack Hussein Obama.
Sinjali më i pastërt vjen nga 6000 fjalët e fjalimit: asnjëherë nuk u përmënd fjala  «terrorism»,mallkimi që që prej 11 shtatorit 2001 prishi Amerikën me Islamin.
Obama ka kujtuar që vëndi i tij ka bërë edhe gabime, si rrëzimi në Iran i qeverisë së ligjshme të Mossadeq në ‘53-in, por ftoi të gjithë që të shikojnë përpara, pa mitet e komploteve -aq të përfolura në chatet arabe sipas të cilave «Cia  ka minuar kullat» si dhe në sitet ekstremiste rreth oleodotit fantazëm në Kabul «të ëndërruar nga shumkombëshet» - dhe pa urrejtje. Read the rest of this entry »

Të të dua më mundon, më boshon nga brënda
Diçka që i ngjan të qeshurës kur qan
Të të dua më mundon,
më jep trishtime
Ç’ti bësh, kështu e ka jeta
kështu është jeta ime

Duamë akoma,
bëje ëmbëlsisht
Një vit,një muaj, një orë…
t’përhumbur përjetësisht Read the rest of this entry »